Google ADS

Ministria e Mjedisit po përcjell me vëmendje ankesat e OJQ-ve për lëshimin e fishekzjarreve

17:47 | 14 Korrik 2018
Arbresh.info

Ministria e Mjedisit dhe Planifikimit Hapësinor, po e përcjellë me vemendje reagimin e OJQ-ve mjedisore dhe palëve të tjera të interesit në lidhje me paralajmrimin se gjatë një koncerti të një banke në Prishtinë do të ndizen një sasi e konsiderueshme e fishekzjarrëve.

Parimisht, MMPH është kundër secilit aktivitet që si rezultat i tij ka degradim të mjedisit dhe ndotje të ajrit.

“Dhënia e lejeve për përdorimin e fishekzjarreve në Republikën e Kosovës është e rregulluar me Ligjin Nr. 04/L-022 PËR PËRDORIM CIVIL TË EKSPLOZIVËVE dhe kështu organ kompetent për dhënien e këtyre lejeve është Ministria e Punëve të Brendshme”, thuhet në një komunikatë për media të kësaj ministrie.

MMPH beson që gjatë dhënies së lejes për përdorimin e këtyre fishëkzjarreve janë zbatuar të gjitha kriteret e kërkuara sipas këtij ligji, duke pasur në konsideratë edhe pasojat në mjedis.

Shpërndaje në rrjete sociale

Lajmet më të lexuara

Të ngjashme

Foto lajm